Apni manzil tak jaane ko aksar hum alag alag raaste apnate hain..
Isi justazun me kuch dost zuda ho jate hain..Par faasle kabhi unki ahmiyat kam na kar pate hain..
Tanhayiyon me wo saath bitaye lamhe phir yaad aate hain..
Aur hum un pyari baton un shararaton me phir kho jate hain..
Jaante hain hum mumkin nai hota hai waqt ka laut aana..
Phir bhi Dil chahta hai wo hasin pal phir laut ayen aur zindagi phir wo kisse doharaye..
Hum phir mile aur usi masti mein kho jayen..

Apno ke saath bitaye kuch chote chote lamhe bhi kitni badi khushi de jate hain..
Apnepan ka ahsas kara ke mann ko anandit aur pulkit kar jaate hain..
Aseem shanti aur dil ko sukun pahunchate hain..
Ek adrishaya shakti ka sanchar kar hume utsah aur umang se bhar jate hain..
Nayi umeendo aur prernaon ki saugat late hain..
Hume aseem prem aur sampoornta pahunchate hain..
Isliye hum apno se kabhi dur na jaana chahte hain..
Unke saath ta umra bitana chahte hain.

Jeevan ke ek naye mod par aaj hum aaye hain,ek taraf hai manjil aur dusri aur kuch pyari yaden Woh lamhe jo humne saath bitaye hain ab kabhi na laut payenge.
Reh jayengi bas yaadein jo kabhi hume gudgudayengi kabhi rulayenge par agle hi pal muskurahat chhod jayengi

Kitni pyari saugat hai yeh zindagi..milti kai janmon ke baad hai yeh zindagi..
Naye rang roz humein dikhati hai..har lamha kuch naya sikhati hai yeh zindagi..
Sheep mein moti si aati hai zindagi..kai rishto mein hume piroti hai zindagi..
Kabhi khushiyon toh kabhi gam ki saugat lati hai zindagi..
Kabhi phoolon si mehakati hai zindagi..
Kabhi katein chubhoti hai zindagi..
Kabhi saat suron ki sargam sunati hai zindagi..kabhi gumsum udaas tanha kar tadpati hai yeh zindagi..
Kitna pyar dilati hai zindagi..kitne rishte dikhati hai zindagi..
Har haal mein jeena sikhati hai zindagi, har mod pe raah dikhati hai zindagi..
Zindadili se jiyo yeh zindagi..kai janmo ke baad aati hai yeh zindagi..

Koshish ka daman jo bandhe rakhte hai wahi umeendo ki shama jalaye rakhata hai..
Mil jaye jo khawaish ki hai humne har dafa yeh mumkin nahi hota,phir bhi aarju ko dil me basaye rakhne ki zarurat ha

Kuch zazbaton ko shabdon se bayan nahi kar pate...Par unka ahsas bahot haseen hota hai...Pal bhar ka wo apka sath bhi behtreen hota hai...Un kuch lamho k hum tahe dil se shukraguzär hain...Aapko dekh kar hi jeevan me ek umeed barkarar rakhate hai...Hain toh ye sirf lafz par haal-e-dil bayan karte hai...Wo bahot khushnaseeb honge jinhe ta umra apka saath milega...Hume koi rashk na hoga kyunki daman me humare yadon ka karwan hoga...Aap khush rahe hamesha bas khuda se yahi dua karenge...  

Kya hua jo aaj pankha failaye par uda na sake..
Udenge unmukt gagan mein chu lenge ek din hum bhi aasmaan..
Jab tak hai zazba dil me na chodenge hausla..
Paar kar lenge har mushkil aur jeetenge yeh jahan..
Dikha denge duniya ko hum bhi hain yahan..

Sometimes life seems to be on standstill..some mements are so touching that we never want to come out of them..our mind may remain stuck their but life around moves so fast..we want to live in those dreams but reality gives them a blow..and we end up living in a fake life with no happiness and joy around..just responsilities to carry out with no personal space.

Ishwar ne yeh shristi banie hai,jismei har insaan ne ek khas jagah payi hai,is hazaro lakho ki beed mei jisne khud ko hai pehchana,usi ne apni mazil payi hai,safalta ke nayi bulandiyo pe parcham lehraaye hain.

Aap jaise kuch farishte bheje hain khuda ne yahan jo zindagi ko mehkane ka jazba rakhte hain..
Yeh khuda ki jhehmat hai ki aapse milne ka mauka humko mila..

Dil chahta hai  kuch kar dikhaana...
Yun bhi nahi hai ki koshish hum nahi karte hain..
Phir bhi na jaane kyun hum darte hain..
Aasan nahi hota hai kuch paana..
Drana sankalp ko kriyanvit kar mumkin hai manzil tak jaana..
Sab maloom hai mujhe phir bhi kyun choti choti cheezon se ghabra jaati hu..
Kyun nai main khud ko sanyamit rakh pati hu..
Kyun mann itna chanchal hota hai ki pal do pal me behak jaata hai..
Kyun itni main sanshit ho jati hu ki jo chahti hu wo bhi nahi kar pati hu..
Bahot jaruri hai ab khud ko sudran banana..
Bina fal k bare me soche bas apna kaam karte jaana..
Mehnat ke bina nahi hai kuch bhi haasil ho paana.ab hume hai bas jut jaana.
Ek naya mukaam paana..

Badlav ka ye naya daur hai

Dil khawhisho se sarabor hai
khwabon me dube log har aur hai
kuch kar guzarne ka hausla purzor hai
badlav ka ye naya daur hai
kalpnaon ke sach hone ka ye shor hai..

Ek meel ka patthar hum bhi lagayenge

Ek meel ka patthar hum bhi lagayenge,kuch aisa karke jayenge..

Jee liya bht dusron ki sharton pe, khud ki marzi se ab jeevan bitayenge..

Itna uncha khud ka kad badhayHum ek aisa gulistaan sajayenge..har nasl ka mehakta phool usme lagayenge..

Uski mehakti fizaon mein hum ethlate huye gungunayenge..

Har khushbu se samaa hum mehakayenge..

Hum ek aisi reet banayenge jo aane wale sab kunbe nibhayenge..

Ek meel ka patthar hum bhi lagayenge..

Mann kwahishon ka anant samundar hai..

Jahan se Lehro ke saath ek ek khwab kinare ki aur behata chala aata hai..

Aur ek naye laksya ka aagaz kar jata hai..

Chahaton ko pane ki raah umeedon k chaurahe se hi hokar nikalti hai..

Par manzil par pahunch kar bhi yeh karwaan thahar nahi paata..

Kyuki kuch nayi umeeden jo wahan humari raah taka karti hain..

Har safar ko yaadgar banate jao..har lamha khul k jiyo aur muskurao..