Zindagi

Ek ajeeb kashmakash hai ye zindagi..Har mod par ek naya imtehaan le aati hai..Kabhi khushiyon ka samundar toh kabhi gamon ka sailab lekar aati hai..
Ru ba ru hote hain hum roz naye fasano se.. Dekhte hain kai chehare kuch jaane kuch anjaane se..Kahin dosti toh kahin daga milti hai...kabhi wafa toh kabhi saza milti hai...
Kisne yeh jaana hai kya kal hone wala hai...Kuch chuninda lamhe bas waqt lane wala hai...Jee bhar ke unhe jee lo kyunki wo pal na dobara laut ke aana hai...Na hi shrishti ko kuch dohrana hai ...
Hume toh bas Jeewan ka luft uthana hai...Aur phir ek anant kaal me leen ho jaana hai...Bas koshish rahe is duniya ko kuch de jaana hai.....Akhir hume bhi toh is zindagi ka karz chukana hai....ek meel ka patthar lagana hai...

आज दिल करता है !

Aaj dil karta hai...bachpan me laut jaane ko....
Phir usi masti me kho jaane ko
Wo pal kitne haseen the jab dinbhar hum khela karte the...
Har lamha woh kitna haseen tha...jise dil se jiya karte the..
Din raat baas uchal kood kiya karte the
Unmukt gagan k panchi se...sapno ki udaan bhara karte the
Ab kahan wo kagaz ki kashiti
Wo baarish ka pani....
Wo titiliya pakadna....wo phhol todtna...
Wo luka chippi....wo bhagambhag...
Wo raja rani ki kahaniya...
Wo dadi maa k kisse....
Ab toh bas kho gaye hian duniya ki is daud me...
Sab lage hain bas kuch paane ki hodh me....
Dil kare toh bhi waqt kahan mil pata hai....
Apni chahton se kyun isnsaan itni door chala jata hai....
Mann karta hai wapas usi duniya me kho jaun....
Pooorane panno me dabi khwahishon me...phir rang bikher paun....
Phir ek baar bachpan jeene ko dil karta hai..
Phir se aaj dil khool ke jeene ko dil karta hai!!!!!

Shikhar

Hai tammana humari har us shikar ko paane ki...log kehte hain jise paane me pareshaani hai....

Kitna bhi mushkil ho lakshya ko pana ...par adwitiya ahsaas hai use haasil karke muskurana...

Zindagi main mushkilo ka saath hai aana jaane..jaruri hai toh bas sanyam se apna kaam karte jaana...

Har lamha muskurana....har mushkil se kuch seekh k aage bad jaana....bas yahi falsafa hai zindagani ka...jo hai sadiyon purana...

Bachpan

Bachpan ki wo natkhat batein ab kitni yaad aati hain..
Jhoole pe jhulte leharate the hum, kitni dhoom machate the hum..
Mitti se khilone to kabhi ret se gharonde banate the hum..
Kabhi patang to kabhi kagaz ka aeroplane udhate the hum..
Dinbhar khelte kitna shor machate the hum..
Ab kahan chali gayi hai wo chahachahahat ..kyun sune hain ab raaste saare jagah crictet k wicket lagate the hum..
Kahan kho gaye hain wo sangi saathi jinke sath race lagate the hum..jeeten ya haare sada muskurate the hum..
Koi phir se wapas la de wo bachpan k pyare din humare jab ek choclate k liye bet lagate the hum..
kitna haste, muskurate aur gungunate the hum..
chat par chadh kar amrud tod kar khate the hum...

Ab har us lamhe ko yaad kar phir bachpan me kho jate hain hum...